نزعل ونتكبر وحنا من الطين
والكل منا صد لا أقبل خويه
نفخر ونقول إنا على الصد قاوين
وهي علينا في الحقيقة قويه
نشفق على الطيبه وكسب الكريمين
وهذي بنا لاشك فعلة رديه
ننسى نهايتنا وعلى وين ماشين
وننسى الزمن ألي جمعنا سويه
المشكله ماهي بــ حاجه لـ تخمين
ولاهي بعد ياناس صعبه القضيه
دق الرقم :كيفك هلا فيك وأهلين
وأنا الخوي ألي مزعل خويه
قله:تغيب وصورتك داخل العين
ويبقى لــ حبك في خفوقي بقيه
أخوان حنا لو يجي بيننا شين
وما نفترق دام المحنه نديه
خلك قوي لا تحتقرك الشياطين
قبل الفوات وقبل وقت المنيه
كلم خويك بـــ أطيب الهرج واللين
وأعرف جميلا الهرج يمسح رديه
هذي هي الدنيا من الحين لـ الحين
لابد بين الناس تحصل خطيه
ومن لايقدر غلطة أحبابه الحين
يقرأ حروفي ويعتبرها ..هديه
باكر تمر سنين و سنين وسنين
والكل يرحل في الدروب المديه
صدقني تندم وبتذكر حروفي زين
تندم على خلك إذا غاب ضيه
دنيا غريبه وأكثر الناس ماشين
وكم صاحبٍ والله دفنته بيديه
اهدااااااااااااااااااااااااء خااااص
لاخت غاليه وعزيزة ع قلبي
وامتنى انها تقرا هالموضووع
الخميس مارس 20, 2008 1:16 pm